Last Modified: February 29 2012 14:38:43.
 
(സ്ത്രീ) ഹന്തജീവിതഗതിതന്‍ വേദനയാല്‍
നീ കരയൂ കരയൂ മാനസമേ
ഹാ മാനസമേ

(പു) പ്രതികാരവിചാരപരമ്പരയാല്‍
വിരഹാകുലനായു് ഞാന്‍ സാഹസമേ
വാ സാഹസമേ

(സ്ത്രീ) വിധിയേവം മാറുകയെളുതാമേ
ചതിചെയ്തവനില്‍ പഴികരുതാമോ
മിഴിനീരില്‍ കളങ്കമിദം കഴുകി
കഴിയാമിനിയെന്നും നെഞ്ചുരുകി
ഹാ നെഞ്ചുരുകി

(പു) ചുടുചിന്തകളാല്‍ നെടുവീര്‍പ്പുകളാല്‍
ഇരവും പകലും മരുവുന്നു നീ
ചുടുചിന്തകളാല്‍ നെടുവീര്‍പ്പുകളാല്‍
അതുലേ അമലേ മരുവുന്നു നീ
പ്രതികാരവിചാരപരമ്പരയാല്‍
വിരഹാകുലനായു് ഞാന്‍ സാഹസമേ
ഹാ സാഹസമേ

(സ്ത്രീ) ഹന്ത ജീവിതഗതിതന്‍ വേദനയാല്‍
നീ കരയൂ കരയൂ മാനസമേ ഹാ മാനസമേ