Last Modified: March 16 2022 03:54:14.

ഈ അപൂർണ്ണ വീഥികൾ മറുപടി തേടും ഓർമ്മകൾ
നീൾവിരലാൽ അകമേ തൊടും പോലെ.....
പാതി പെയ്ത മാരിയിൽ വിട പറയാതെ മൂടലാൽ
മൗനമുകിൽ വാനിൽ നിഴൽ പോലെ.....
ഒരു ഋതു വഴിമാറും അടയാളങ്ങൾ ഓർത്തിവിടെ
ഒരുപോലലിയാൻ ഉരുകാൻ ഒളി ചൂടിയ രണ്ടുയിരിൻ
തിരികൾ നാം......

വിജനമാം താഴ്വാരം തിരികയോ ഇന്നീയാനം
പുലരുമോ വൈകാതെ....ഇമകളെ മൂടും രാവേ...

ഈ കവിൾത്തടങ്ങളെ തഴുകി മറഞ്ഞു നീർക്കണം
നീയൊരു തൂ വെയിലായ് തലോടുമ്പോൾ....
ഉൾ മണൽപ്പുറങ്ങളിൽ എഴുതിയ നൂറു വാക്കുകൾ
മാഞ്ഞു കടൽത്തിര നീ കരേറുമ്പോൾ....
പുതുമകൾ വരവാകും ഒരു നാളിന്റെ കാലടികൾ
എതിരേൽക്കുകയോ പതിയെ അലിവാർന്നൊരു സാന്ത്വനമായ്
ഹൃദയമേ..........

വിജനമാം താഴ്വാരം തിരികയോ ഇന്നീയാനം
പുലരുമോ വൈകാതെ....ഇമകളെ മൂടും രാവേ...
വിജനമാം താഴ്വാരം തിരികയോ ഇന്നീയാനം
പുലരുമോ വൈകാതെ....ഇമകളെ മൂടും രാവേ...