Last Modified: November 15 2020 01:57:01.


 കൊല്ലത്തുനിന്നൊരു പെണ്ണ്
കൊയിലാണ്ടീലുള്ളൊരു പയ്യന്‍
അവന്‍ വയനാട്ടിലുള്ളൊരു തേയിലത്തോട്ടത്തില്‍
ഇലനുള്ളും കാലത്തു കണ്ടുമുട്ടി

കണ്ടുമുട്ടി അവര്‍ കണ്ടുമുട്ടി അപ്പോള്‍
രണ്ടുകരളുകള്‍ ചെണ്ടമുട്ടി
അക്കരെയിക്കരെ നിന്നു
അവര്‍ ചക്കരവാക്കുപറഞ്ഞു

പൂക്കുലപോലെ ചിരിച്ചു അവര്‍
നോക്കിനാല്‍ ചൂതുകളിച്ചു
കണ്ണുകൊണ്ടുള്ളൊരു കിണ്ണാണം കളി കണ്ടിട്ടു
ചെക്കന്‍ വലഞ്ഞല്ലോ ഓ ചെക്കന്‍ വലഞ്ഞല്ലോ
ഓ ചെക്കന്‍ മെലിഞ്ഞല്ലോ

തെക്കോട്ടുപോയവന്‍ പെണ്ണുകാണാന്‍
പെണ്ണുകാണാനവന്‍ ചെന്നു പിന്നെ
പെണ്ണുകെട്ടാനവന്‍ ചെന്നു
നിര്‍ത്തിപ്പൊരിച്ചല്ലോ കോഴീ ആഹാ
മൊത്തത്തില്‍ സദ്യനന്നായ്
കൊട്ടും വാദ്യവും മുട്ടും വിളികളും
കേട്ടപ്പോള്‍ പെണ്ണിനെ മാലയിട്ടു
മാലയിട്ടു പയ്യന്‍ താലികെട്ടി
പെണ്ണിനെ മാലകാട്ടിക്കൊണ്ട് നാള്‍കഴിച്ചു