Last Modified: February 29 2012 14:58:04.

മെല്ലെയൊന്നു പാടി നിന്നെ
ഞാനുണർത്തിയോമലേ
കണ്ണിലുള്ള കനവൂതാതെ നിൻ
ചുണ്ടിലുള്ള ചിരി മായാതെ
പാതി പെയ്ത മഴ കാണാതെ വെൺ
പാരിജാത മലരറിയാതെ

പൂമാനം കുടപിടിക്കും ഹൊയ്... ഈ
പൂപ്പാട്ടിൻ വയൽ വരമ്പിൽ
കാറ്റോടെൻ കവിളുരുമ്മി ഹൊയ്... ഞാ-
നാറ്റോരം നടന്നിരുന്നു
പകൽ മുല്ലമൊട്ടായ് നീയോ വിരിഞ്ഞിരുന്നു
പുലർവെയിൽ പൊന്നോ നിന്നെ പൊതിഞ്ഞിരുന്നു
താന നാ ന ന .... തന ന നാ ന...
താന നാ ന ന..തന നാ ന
മാറിലുള്ള മറുകറിയാതേ ഈ...
മനസ്സിലുള്ള കിളിയറിയാതേ
(മെല്ലെയൊന്നു )

അന്നും നീ തനിച്ചിരിക്കും ഹൊയ് ഈ
താഴമ്പൂ പുഴക്കടവിൽ..
എന്തേ നീ അരികിലെത്തി ഹൊയ് നിൻ
ജന്മങ്ങൾ എനിക്കു തന്നു
പതുങ്ങിവന്നെന്നെ മെല്ലെ മടിയിൽ വെച്ചു
പരിഭവം കൊണ്ടെൻ കാതിൽ കഥപറഞ്ഞു
താ ന നാ ന ന.....താ ന നാ ന ന
ചാരേ നിന്ന നിഴലറിയാതേ... നീ
മഴ നനഞ്ഞ മുകിലറിയാതേ..
(മെല്ലെയൊന്നു)