Last Modified: February 29 2012 14:52:39.

താതിന്ത തില്ലത്തൈ തത്തമ്മക്കല്യാണം
കല്യാണപ്പെണ്ണിനു ചൂടാൻ കല്യാണിപ്പൂ വേണം(2)
പൂമാരൻ ചെക്കനു കരളിൽ പൂത്തല്ലോ പൊന്നോണം
പൊന്നോണത്തിരുമുറ്റത്തൊരു പൂപ്പന്തലുയർത്തേണം (2)
പൂന്തേൻമഴ പൂമഴ പെയ്താ പൂപ്പന്തൽ കുളിരേണം (2)
പൂപ്പന്തലിൽ വേളിപ്പെണ്ണൊരു പുലർകാലം തീർക്കേണം (2)
(താതിന്ത തില്ലത്തൈ...)

കൊയ്ത്തു പാടത്ത് കണ്ടപ്പെ പെണ്ണിനു പത്തരമാറ്റ് താതെയ്
ഞാറു നടുമ്പോൾ പെണ്ണാ പാടത്ത് താമരപ്പൂ തെയ് തെയ്
മിന്നു കൊരുക്കാൻ ചെറുമിപ്പെണ്ണിനു കന്നിനിലാവ് തിത്തെയ്
കുപ്പിവിളക്ക് കടം കൊടുത്തു മകരപ്പഞ്ചമി താതെയ്

വായോ വായോ കല്യാണത്തിനു മാളോരെല്ലാം താതെയ് താതെയ് (2)
വായോ വായോ തെയ് തെയ് തെയ്തെയ് മാളോരെല്ലാം തെയ് തെയ് തെയ്തെയ് (3)