Last Modified: February 29 2012 14:52:45.
പിച്ചതെണ്ടിപ്പോണവരാണേ പൊന്നേ തല്ലല്ലേ -ഒരു
കൊച്ചുകാശിങ്ങെറിയാനാരും കോപം കൊള്ളല്ലേ

പണ്ടുകാലം പാടിവരുന്നതു കണ്ടാലന്നേരം
കൊണ്ടുവന്നു ഭിക്ഷകള്‍ തരുമേ നല്ലോരെല്ലാരും
കണ്ണെടുത്താല്‍ ഭിക്ഷക്കാരുടെ കണ്ണില്‍ മണ്ണിട്ടും
അവരുടെ കാശുതട്ടും കൂട്ടരുമുണ്ടീക്കാലം ലോകത്ത്

അന്നുമിന്നും വന്നോരീ മാറ്റം കണ്ടില്ലേ
ഈ മാറ്റം കണ്ടില്ലേ
ആളുകള്‍ കേട്ടാല്‍ കോപിച്ചീടും അതൊന്നും മിണ്ടല്ലേ
ഇല്ലയെന്നാലന്നോ മനുജനെ ഈശന്‍ രക്ഷിക്കും
ഈശനു റേഷന്‍ വിറ്റു മനുഷ്യന്‍ ഇന്നു ശിക്ഷികും

ഒരുവന്‍ ചൊല്‍ വതു കേട്ടു നടന്നിടുമന്നു സമുദായം
ഓരോരുത്തനുമുടയോനാകുവതിന്നത്തെ ന്യായം
അതിനിന്നത്തെ ന്യായം

പുരുഷന്‍ നാട്ടിനു വീട്ടിനു നാരികള്‍
പുരോഗമിച്ചതു തലകീഴായി പോയിക്കാലത്തില്‍
അന്നു പുരുഷന്‍ ചൊന്നാല്‍ കേള്‍പ്പതു ധര്‍മ്മം സ്ത്രീകള്‍ക്ക്
ഇന്നു പെണ്ണിന്‍ ചൊല്‍പ്പടി നില്‍ക്കും പുരുഷന്‍ പേടിച്ച്
അന്നുമിന്നും വന്നോരീ മാറ്റം കണ്ടില്ലേ ഈ മാറ്റം കണ്ടില്ലേ
ആളുകള്‍ കേട്ടാല്‍ കോപിച്ചീടുമതൊന്നും മിണ്ടല്ലേ