Last Modified: February 29 2012 14:58:06.

കാട്ടിലെ രാജാവേ കൊടും
കാട്ടിലെ രാജാവേ
കോട്ടകളില്ലാത്ത കൊട്ടാരമില്ലാത്ത
കോത്താഴത്തിലെ രാജാവേ
രാജാവേ രാജാവേ...

തിരുമുല്‍ക്കാഴ്ചയായ് ഞങ്ങള്‍ അങ്ങേക്കൊരു
വീരശൃംഖല നല്‍കാം
വീരശൃംഖല നല്‍കാം

നൂറുനൂറു വീരന്മാരെ ദൂതന്മാരാക്കിയ
നേതാക്കന്മാരുടെ നേതാവല്ലേ
വീരശൃംഖല മാത്രം പോര
വീരാളിപ്പട്ടും കൊടുക്കേണം
കൊടുക്കേണം ....കൊടുക്കേണം

നൂറുനൂറു പാവങ്ങളെ കൊള്ളക്കാരാക്കിയ
നായകന്മാരുടെ നായകനല്ലേ
സാക്ഷിപത്രങ്ങള്‍ വേറെ വേണം
സര്‍ക്കാര്‍ കാവലു നില്‍ക്കേണം
നില്‍ക്കേണം ... നില്‍ക്കേണം
സര്‍ക്കാര്‍ കാവലു നില്‍ക്കേണം