Last Modified: April 10 2014 07:19:20.

കൊക്കരക്കോഴി കൂവണു്..അക്കരെ നേരം പുലരണു്
പുലരിക്കതിരോനുദിച്ചേ....(2)
ഇടനെഞ്ചിൻ തുടിതാളം ധിം ധിം തക ധിം
പട പഞ്ചാരിമേളം ധും ധും തക താ..
കൊക്കരക്കോഴി കൂവണു്..അക്കരെ നേരം പുലരണു്
പുലരിക്കതിരോനുദിച്ചേ....(2)

വേലൻ കാവിൽ കാവടി..
കാവടിക്കു കരകാട്ടം ശിങ്കാരിമേളം
മുക്കോടു മുക്കിലും തകിലടി
കരയാകെ വിളയാടാൻ അമ്മാനപ്പൂരം
പൂരം കൊടിയേറിടും കാവിൽ..പൂങ്കാവിൽ
ഇനി സ്നേഹത്തിരുമംഗളമേളം...പൂ മേളം..(2)
ഈ നാടിന്നുള്ളിൻ ഉള്ളിൽ
ഇനി മതിലില്ല മറയില്ല പകയില്ലാതാവാം...
(കൊക്കരക്കോഴി...)

ഓരോ വീടിൻ കാവലായ്
കരളിന്റെ കനവായ് ഞാൻ ഉയിരേകി നിൽക്കാം
കൂട്ടിന്നൊരേട്ടനീ ആണ്ടവൻ
ആണായും തൂണായും തുണയായും നിൽക്കാം
ആരേലും പോരിനു വന്നാൽ
ഞാൻ വേലവനായ് പോരു വിളിക്കാം...(2)
നാളേ നാടിനു നാളേ
എൻ ആരോരീ സ്വപ്നങ്ങൾ നിറനാഴിയാകാം..
(കൊക്കരക്കോഴി...)