Last Modified: February 29 2012 14:55:28.

മലര്‍മഞ്ജരിയില്‍ വണ്ടിനെപ്പോല്‍
തളിരധരത്തിന്‍ മധു നുകരാന്‍
അണയൂ ചാരെ വിധുവദനേ
താലവൃന്ദങ്ങള്‍ വീശി
താരനൂപുരം ചാര്‍ത്തി
അമരൂ നീ അളിവേണീ
(മലര്‍മഞ്ജരിയില്‍ )

കാലം കരിങ്കല്ലില്‍ കൊത്തിയ ശൃംഗാര
ഭാവങ്ങളായിരുന്നില്ലയോ നാം
മന്ദാരപുഷ്പത്തിന്‍ മാലയുമായ് ഉഷ-
സ്സന്ധ്യകള്‍ പിന്നെയും വന്നു പോയി
നീല മുകിലിന്‍ പാവാട ചുറ്റിയ
പോയ ജന്മത്തിന്റെ കൌമാര കാലം
(മലര്‍മഞ്ജരിയില്‍ )

രാവില്‍ നിലാവിന്റെ പൂമ്പട്ടുടയാട
ഏതൊരു മോഹത്തില്‍ അഴിഞ്ഞു വീണു
ഈ പുഴയോരത്ത് ക്രീഡാവിവശയായ്
ഹേമന്തയാമിനി തളര്‍ന്നിരുന്നു
മാരകേളി മയൂരമാടി
മാറില്‍ മൃഗമദഗന്ധം നിറഞ്ഞു
(മലര്‍മഞ്ജരിയില്‍ )