പറ പറ (കമ്മട്ടിപ്പാടം)
This page was generated on March 28, 2024, 9:59 pm UTC
വിശദവിവരങ്ങള്‍
വര്‍ഷം 2016
സംഗീതംജോണ്‍ പി വര്‍ക്കി
ഗാനരചനഅൻവർ അലി
ഗായകര്‍അനൂപ് മോഹൻ‌ദാസ്
രാഗംലഭ്യമല്ല
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: June 21 2016 17:41:46.

വന്നുദിച്ചേ...നിന്നുദിച്ചേ...ആദിത്യഭഗവാനും
ഇന്നെന്തേ ഭഗവാനും വന്നുദിക്കാനിത്ര താമസിച്ചേ...
വന്നുദിച്ചേ...നിന്നുദിച്ചേ...ആദിത്യഭഗവാനും
ഇന്നെന്തേ ഭഗവാനും വന്നുദിക്കാനിത്ര താമസിച്ചേ...

മയിലു കേറാ മാമലയിൽ..മയിലാട്ടം കണ്ടു താമസിച്ചേ...
കാള കേറാ പൊന്മലയിൽ..കാളകളി കണ്ടു താമസിച്ചേ..
ആടു കേറാ മാമലയിൽ...ആടുകളി കണ്ടു താമസിച്ചേ...
കുയിലു കേറാ പൊന്മലയിൽ..കുയിലുകളി കണ്ടു താമസിച്ചേ..
കൊക്കു കേറാ പൊന്മലയിൽ...കൊക്കുകളി കണ്ടു താമസിച്ചേ...
കുതിര കേറാ മാമലയിൽ..കുതിരകളി കണ്ടു താമസിച്ചേ...
വന്നുദിച്ചേ...നിന്നുദിച്ചേ...ആദിത്യഭഗവാനും
ഇന്നെന്തേ ഭഗവാനും വന്നുദിക്കാനിത്ര താമസിച്ചേ...
പറപറപറപറ പറപറ പറപറ കഥപറ പറപറപറപറ
പറപറപറപറ പറപറ പറപറ കഥപറ പറപറപറപറ....

ആ...ദിഭഗവാനേ അയിക്കരക്കാരണോരേ
ആ...ദി ഭഗവാനേ അയിക്കരക്കാരണോരേ....

പറപറ പറപറ
പറപറ പറപറ..
കഥപറ കഥപറ
പറപറ പറപറ
പറപറ പറപറ...
കഥപറ പറപറ
പറപറ കഥപറ

ചിങ്ങം കന്നി തുലാങ്ങളിൽ മലങ്കൊയിത്തും കഴിഞ്ഞ്
പൊല്ലത്തിലും പുട്ടലിലും നെല്ലും കെട്ടിയെടുത്തും കൊ-
ണ്ടോരായിരം പുലക്കൈയ്യും വീശിവരും കാരണോരേ..
പെരുവയൽപൂമിയിലെ പുലയോരെ കഥ പറ
പുലമകൾ സരസ്വതി നാവിലാടും കഥ പറ

പറപറ പറപറ
കഥപറ പറപറ
പറപറ പറപറ..
പറപറ പറപറ

അഴകി അനസി കാളി കുഞ്ഞളരി കുറുമ്പയും
അണിഞ്ചനും കരിമ്പനും കൊച്ചുറുമ്പൻ കാവലനും
കട്ടതട്ടി ചാലുകീറി ഉഴുതിട്ട കഥയല്ലേ...
വിത്തെറിഞ്ഞു മുളപ്പിച്ചു ഞാറുനട്ട കഥയല്ലേ...
വിരിപ്പ് പൊക്കാളി കുർക ഓരുപാണ്ടിയാനക്കൊമ്പൻ
പുകഴ്പെറ്റ പഴങ്കാലക്കനികൾ കുരുക്കും കഥ...

വെള്ളങ്കേറും വേലികളിൽ മിന്നക്കൊടി പോലെ പൊന്തും
ചൂട്ടുപൊക്കാളിക്കതിരിൻ ചുണ്ടത്തൂറും ചിരിക്കഥ
തണ്ടിലാടും ചുണക്കഥ...
പറപറ പറപറ പറപറ കഥപറ പറപറ പറപറ പറപറ...

അന്തിക്കേറുമാടമേറി കിണ്ണം മുട്ടി പാട്ടു പാടി
കിളിയാട്ടി നരിയാട്ടി രാവെളുക്കും കോരങ്കഥ...
ചെല്ലിപ്പുല്ലും കൊച്ചമ്പ്രാന്റെ കള്ളക്കണ്ണും പറിച്ചെറി-
ഞ്ഞില്ലപ്പടി കടന്നു പോം നീലിപ്പുലക്കള്ളിക്കഥ...
പെരുവയൽപ്പൂമികളിൽ പലപൂവു കൊയ്തെടുത്ത്
വരുങ്കാലക്കളം നോറ്റ പുലയോരെടെ പഴങ്കഥ...
പറ പറ പറ പറ പറ പറ പറ പറ...
പറപറ പറപറ പറപറ പറപറ
പറപറ പറപറ പറപറ പറപറ....

പോടാ തമരേന്നു ചൊന്നു് കാലാക്കണ്ടവരമ്പത്തു്...
പിടിത്താളെറിഞ്ഞു പോന്ന കുലങ്ങൾതൻ പഴങ്കഥ...

പറ പറ പറ പറ
ആദി ഭഗവാനേ പറ പറ പറ പറ അയിക്കരക്കാരണോരേ...(3)

വന്നുദിച്ചേ...നിന്നുദിച്ചേ...ആദിത്യഭഗവാനും
ഇന്നെന്തേ ഭഗവാനും വന്നുദിക്കാനിത്ര താമസിച്ചേ...
വന്നുദിച്ചേ...നിന്നുദിച്ചേ...ആദിത്യഭഗവാനും
ഇന്നെന്തേ ഭഗവാനും വന്നുദിക്കാനിത്ര താമസിച്ചേ...


(ലിറിക്സ്-കടപ്പാടു് : മനോരമ ഓൺലൈൻ മ്യൂസിക്)
 



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts