Last Modified: November 04 2023 10:43:32.
നീ വസന്ത കാലം അനുരാഗ നീല വാനം
ഓർത്തുവയ്ക്കുവാനടുപ്പമേറെയുള്ള ഗാനം

നീ വസന്ത കാലം അനുരാഗ നീല വാനം
ഓർത്തുവയ്ക്കുവാനടുപ്പമേറെയുള്ള ഗാനം
പൂനിലാവിൻ ചുണ്ടിൽ പതിയുന്ന സൂര്യ നാളം
താരകങ്ങൾ നാണമോടൊളിച്ചു നിന്ന മേഘം
നിൻ വിരൽ നഖങ്ങളാൽ കോറിയിട്ട ചിത്രമായ്
നിൽക്കയാണിതാ നിഴൽ ചിലമ്പണിഞ്ഞ രാത്രി
നൃത്തമാടി നാമതിൽ തളർന്നു വീണുറങ്ങി
നീ വസന്ത കാലം അനുരാഗ നീല വാനം
ഓർത്തുവയ്ക്കുവാനടുപ്പമേറെയുള്ള ഗാനം

പുഞ്ചിരിച്ചു നിന്ന പൂക്കളേ
തൊടാതെയെന്നെയുമ്മ വച്ച മന്ദമാരുതൻ
ദാഹമോടലഞ്ഞ ഭൂമി തൻ
കവിൾത്തടത്തിലോമനിച്ചു പെയ്ത തേന്മഴ
സ്വപ്നമാണിതെങ്കിലും ഉണർന്നിടേണ്ട ദേവിയുള്ള
സ്വപ്നമായലിഞ്ഞു പോവതെത്ര സുന്ദരം
പ്രേമമാണ് പ്രാണനിൽ തൊടുന്ന സാഗരം
നീ വസന്ത കാലം അനുരാഗ നീല വാനം
ഓർത്തുവയ്ക്കുവാനടുപ്പമേറെയുള്ള ഗാനം

പണ്ടു നാം നടന്ന വീഥിയിൽ
അടർന്നു വീണു നിന്നിലേക്കു മാഞ്ഞ സന്ധ്യകൾ
പിന്നെയും പുലർന്നു പോകവേ
മിഴിയിൽ നിറഞ്ഞ മന്ദഹാസമേറ്റു വീഴവേ
വാതിലിൽ മറഞ്ഞു നിന്ന ഗന്ധമെന്റെശയ്യയിലേ-
ക്കോടിവന്നു നാണമവൾക്കെന്നു പറഞ്ഞു
ചാരി നിന്ന മുല്ലകളിൽ പാതി വിടർന്നു
നീ വസന്ത കാലം അനുരാഗ നീല വാനം
ഓർത്തുവയ്ക്കുവാനടുപ്പമേറെയുള്ള ഗാനം
പൂനിലാവിൻ ചുണ്ടിൽ പതിയുന്ന സൂര്യനാളം
താരകങ്ങൾ നാണമോടൊളിച്ചു നിന്ന മേഘം
നിൻ വിരൽ നഖങ്ങളാൽ കോറിയിട്ട ചിത്രമായ്
നിൽക്കയാണിതാ നിഴൽ ചിലമ്പണിഞ്ഞ രാത്രി
നൃത്തമാടി നാമതിൽ തളർന്നു വീണുറങ്ങി
നീ വസന്ത കാലം അനുരാഗ നീല വാനം
ഓർത്തുവയ്ക്കുവാനടുപ്പമേറെയുള്ള ഗാനം