Last Modified: March 03 2022 10:38:04.

ഈ വാനിൻ തീരങ്ങൾ തെളിയുന്നൂ
കാണാത്ത ലോകം നാം അണയുന്നൂ
ആഴങ്ങൾ തീരാതീ കടൽപോലെ കഥകൾ നീളുന്നൂ....
ഇവിടെ ആരാരും...കരയുകയില്ലാ
ചിരികൾ ആരാരും...തടയുകയില്ലാ
പഴയ നോവിന്റെ കയ്പ്പൊന്നും...ഇല്ലാ
പുതിയ ജന്മം ഇതാണു നിൻ...പറുദീസ
പറുദീസ......

നെഞ്ചോരം മോഹങ്ങൾ നിറയുമ്പോൾ
നാമെല്ലാം ഈ മണ്ണിൽ ഒരുപോലെ
നീയെന്നും ഞാനെന്നും തിരിവില്ലാതുലകം ഒരുപോലെ
പാടുന്നോർ പാടട്ടെ....കഴിയുവോളം
ആടുന്നോർ ആടട്ടെ....തളരുവോളം
ചേരുന്നോരൊന്നായി ചേരട്ടെ...വേഗം
അതിനു കെല്പുള്ള ഭൂമി നിൻ...പറുദീസ
പറുദീസ.....

ഇവിടെ ആരാരും...കരയുകയില്ലാ
ചിരികൾ ആരാരും....തടയുകയില്ലാ
പഴയ നോവിന്റെ കയ്പ്പൊന്നും...ഇല്ലാ
പുതിയ ജന്മം ഇതാണു നിൻ...പറുദീസ
പറുദീസ......
പറുദീസ......പറുദീസ......പറുദീസ......