Last Modified: February 29 2012 14:56:19.




ഉദയതാരമേ ശുഭതാരമേ
ഉണരാന്‍ വൈകുവതെന്തേ
ഉദയപര്‍വ്വതം നിനക്കായ്
ഉദ്യാനവിരുന്നൊരുക്കി
(ഉദയതാരമേ...)

മംഗള മധുമൊഴി പാടിവരുന്നു മന്ദാനിലനാം ഗായകന്‍
(മംഗള...)
ചന്ദ്രിക ചൂടിയ ചൂഡാമണിപോല്‍ ചന്ദ്രോപലം തിളങ്ങുന്നു
(ഉദയ താരമേ..)

പൂവന്‍ കദളികള്‍ പുളകമൊരുക്കി
പൂജാമണ്ഡപ വാതിലില്‍
(പൂവന്‍ കദളികള്‍ ...)
ഇളമഞ്ഞുതിരും ഹൃദയവുമായി
ഈ കാട്ടുപൂവും വിടരുന്നു
(ഉദയ താരമേ..)