Last Modified: February 29 2012 14:56:30.

മദിരാക്ഷീ നിൻ മൃദുലാധരങ്ങൾ
മദനന്റെ മധുപാത്രങ്ങൾ
പ്രിയനു പകർന്നു പകർന്നു കൊടുക്കും
പ്രണയ വികാര ചഷകങ്ങൾ (മദിരാക്ഷീ)

മോഹപുഷ്പങ്ങൾ വിടരുമ്പോൾ നിന്റെ
മൗനം വാചാലമാകുമ്പോൾ
ഞാൻ നിന്നിലലിയുന്നു നീ എന്നിലലിയുന്നു
നമ്മുടെ ഗാനങ്ങൾ ഒന്നാകുന്നു
ഈ നിമിഷം ഈ നിമിഷം
ഈ ജന്മം നമ്മൾ മറക്കുമോ (മദിരാക്ഷീ)

രോമഹർഷങ്ങൾ തളിർക്കുമ്പോൾ നിന്റെ
മൗനം പ്രേമാർദ്രമാകുമ്പോൾ
ഞാൻ നിന്നിൽ നിറയുന്നു നീയെന്നിൽ നിറയുന്നു
നമ്മുടെ ഹൃദയങ്ങൾ ഒന്നാകുന്നു
ഈ നിമിഷം ഈ നിമിഷം
ഈ ജന്മം നമ്മൾ മറക്കുമോ (മദിരാക്ഷീ)