കാളിദാസൻ മരിച്ചു (താര )
This page was generated on May 22, 2024, 2:59 am UTC
വിശദവിവരങ്ങള്‍
വര്‍ഷം 1970
സംഗീതംജി ദേവരാജന്‍
ഗാനരചനവയലാര്‍ രാമവര്‍മ്മ
ഗായകര്‍കെ ജെ യേശുദാസ്
രാഗംചാരുകേശി
അഭിനേതാക്കള്‍ശാരദ
ഗാനത്തിന്റെ വരികള്‍
Last Modified: February 29 2012 14:56:36.

കാളിദാസൻ മരിച്ചു കണ്വമാമുനി മരിച്ചു ...
അനസൂയ മരിച്ചു പ്രിയംവദ മരിച്ചു
ശകുന്തള മാത്രം മരിച്ചില്ല..

ദര്‍ഭകൾപൂക്കുമീ മാലിനിതീരത്ത്
ഗർഭിണിയാമവൾ ഇരിക്കുന്നു..
അവളുടെ മനസ്സിലെ നിത്യഹോമാഗ്നിയിൽ
ആയിരംസ്വപ്നങ്ങൾ കരിയുന്നു..
കാലം ചിരിക്കുന്നു..
(കാളിദാസൻ)

ദുഃഖിതയാകുമീ ആശ്രമകന്യയെ
ദുഷ്യന്തനിപ്പൊഴും മറക്കുന്നു..
അണപൊട്ടിയൊഴുകുമീ അശ്രുപ്രവാഹത്തിൽ
ആയിരംമോഹങ്ങൾ തകരുന്നു..
കാലം ചിരിക്കുന്നു...
(കാളിദാസൻ)



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts