എതു കടലിലോ (കടലമ്മ )
This page was generated on April 12, 2024, 3:07 pm UTC
വിശദവിവരങ്ങള്‍
വര്‍ഷം 1963
സംഗീതംജി ദേവരാജന്‍
ഗാനരചനവയലാര്‍ രാമവര്‍മ്മ
ഗായകര്‍പി സുശീല
രാഗംലഭ്യമല്ല
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: February 29 2012 14:35:16.

�ഏതു കടലിലോ ഏതു കരയിലോ
എവിടെയായിരിക്കും തോഴന്‍
എവിടെയായിരിക്കും?

ഒരുപോളക്കണ്ണടച്ചൊന്നു മയങ്ങീ-
ട്ടൊരുപാടുനാളായീ ഒരുപാടുനാളായീ
ഒരു കാറ്റു വീശുമ്പോള്‍ ഒരു മിന്നല്‍ കാണുമ്പോള്‍
അറിയാതെ പിടയുന്നു ഞാന്‍ തോഴാ
അറിയാതെ പിടയുന്നു ഞാന്‍

ഇടവപ്പാതിയില്‍ ഇളകിമറിയും
കടലില്‍ പോയവനേ കടലില്‍ പോയവനേ
ഒരുകൊച്ചുപെണ്ണിനെ സ്നേഹിച്ചുപോയതി-
ന്നകലേണ്ടി വന്നവനേ
പവിഴദ്വീപിലെ പൊന്മുത്തും കൊണ്ടു നീ
പോരാറായില്ലേ നീ പോരാറായില്ലേ
നീ പോരാറായില്ലേ?



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts