വിശദവിവരങ്ങള് | |
വര്ഷം | 1970 |
സംഗീതം | ജി ദേവരാജന് |
ഗാനരചന | വയലാര് രാമവര്മ്മ |
ഗായകര് | സി ഒ ആന്റോ ,ലത രാജു |
രാഗം | ലഭ്യമല്ല |
അഭിനേതാക്കള് | കൊട്ടാരക്കര ശ്രീധരൻ നായർ |
ഗാനത്തിന്റെ വരികള് | |
Last Modified: February 29 2012 14:56:38.
ചിപ്പീ ചിപ്പീ മുത്തുച്ചിപ്പീ ചിപ്പിയ്ക്കു മുക്കുവന് വലവീശി മുത്തല്ലാ ചിപ്പിയല്ലാ കിട്ടിയതവനൊരു മായാമണ്കുടമായിരുന്നൂ (ചിപ്പീ) മണ്കുടം മുക്കുവന് തുറന്നു - കുടത്തില് പൊന് പുകച്ചുരുളുകളുയര്ന്നു പുകയുടെ ചിറകില് പുലിനഖമുള്ളൊരു ഭൂതം നിന്നു ചിരിച്ചു... ഭൂതം പറഞ്ഞു : നൂറു യുഗങ്ങള് ഞാനീ കടലില് കിടന്നു ഓരോ യുഗത്തിലും ഓരോ യുഗത്തിലും ഓരോ ശപഥമെടുത്തു കുടം തുറന്നെന്നെ വിടുന്നവനെ ഞാന് കൊല്ലുമെന്നാണെന്റെ ശപഥം മുക്കുവന് പറഞ്ഞു : മാനത്തോളം പൊക്കം വെച്ചൊരു രൂപം എങ്ങനെ എങ്ങനെ എങ്ങനെയീ മണ്കുടത്തിലിരുന്നൂ ? മരിക്കും മുന്പതു കണാന് മാത്രം മനസ്സിലെനിക്കൊരു മോഹം (ചിപ്പീ) പിന്നെയും ഭൂതം ചിരിച്ചു - കുടത്തില് പൊന് പുകച്ചുരുളായൊളിച്ചു അറബിക്കഥയിലെ മുക്കുവന് ആ കുടം അകലെ കടലിലെറിഞ്ഞു (ചിപ്പീ) |