Last Modified: February 29 2012 14:56:51.


 പാതി വിടർന്നൊരു പാരിജാതം
പാഴ്മണ്ണിൽ വീണു
പരിമളത്തെന്നൽ പഴിപറഞ്ഞകന്നു
പകലൊളി അതിനെ പരിഹസിച്ചു (പാതി)

വിധിയുടെ മടിയിൽ...
വിധിയുടെ മടിയിൽ വിരഹത്തളിർ പോൽ
വീണു കിടന്നാ പുഷ്പം
ഹൃദയം കൊണ്ടു പുണർന്നു പൂവിനെ
ഒരു പൂജാമലരാക്കി - ദേവൻ
ഒരു പൂജാമലരാക്കി (പാതി)

പുതു മണമുയരും...
പുതു മണമുയരും പുലരി ചിരിച്ചു
പൂവിനൊരുക്കീ തൽപ്പം
പുളകം കൊണ്ടു പുകഴ്ത്തി പൂവിനെ
നിലയറിയാത്തൊരു ലോകം - കരളിൻ
കഥ കാണാത്തൊരു ലോകം (പാതി)