Last Modified: February 29 2012 14:57:05.


പടർന്നു പടർന്നു കയറീ പ്രേമം
പവിഴക്കൊടി പോലെ
മനസ്സിൻ ചില്ലയിൽ മന്ദാരച്ചില്ലയിൽ
വസന്തം ചുംബനമുദ്രകളേകിയ
മാണിക്യക്കൊടി പോലെ (പടർന്നു...)

വിടർന്നു വിടർന്നു വിലസുകയായി
വികാരപുഷ്പങ്ങൾ
പറന്നു പുണർന്നു പ്രതീക്ഷ തന്നുടെ
പരാഗശലഭങ്ങൾ മോഹന-
പരാഗശലഭങ്ങൾ (പടർന്നു...)

നുകർന്നു നുകർന്നു നിർവൃതി നൽകിയ
നൂതന മധുഗാനം
കവർന്നു കവർന്നു നീയെൻ പ്രണയം
പകർന്ന പുളകങ്ങൾ പ്രണയം
പകർന്ന പുളകങ്ങൾ (പടർന്നു...)