Last Modified: February 29 2012 14:57:20.

സ്വയം വരം സ്വയംവരം

സ്വയം വരം സ്വയംവരം സ്വയം വരം ഇന്ന് സ്വയംവരം
നിങ്ങളിലാരോ ഒരുവൻ ഇന്നെന്റെ വരൻ
ആരവനാരാരോ ആരോ..ആരോ..(സ്വയം വരം)

സ്വപ്നത്തിൽ ഞാൻ കണ്ട കാമസ്വരൂപനീ
സദസ്സിലുണ്ടോ ഈ സദസ്സിലുണ്ടോ എന്റെ
പ്രാണഹർഷങ്ങളെ പൂ കൊണ്ടു മൂടിയ
ഗായകനിവിടെയുണ്ടോ ഏകാന്ത
ഗായകനിവിടെയുണ്ടോ
വരൂ വരൂ സ്വീകരിക്കൂ വിവാഹമാല്യം (സ്വയം വരം..)

സ്വർണ്ണത്തിൽ വാർത്തൊരാ സ്വർഗ്ഗസൗന്ദര്യമീ
സദസ്സിലുണ്ടോ ഈ സദസ്സിലുണ്ടോ എന്റെ
പ്രേമിച്ചു ലാളിച്ച് മാറിൽ മയക്കിയ
കാമുകനിവിടെയുണ്ടോ സങ്കല്പ കാമുകനിവിടെയുണ്ടോ
വരൂ വരൂ സ്വീകരിക്കൂ വിവാഹമാല്യം (സ്വയം വരം..)