Last Modified: September 10 2013 18:58:06.
ഒരുവരം തേടിവന്നു ഗുരുവായൂര്‍ തിരുനടയില്‍
കരുണതന്‍ പാലാഴിക്കരയില്‍
ഇരുകയ്യുമുയര്‍ത്തിഞാന്‍ തൊഴുതുനിന്നവിടുത്തെ
തിരുനാമമുരുവിടുന്നു കൃഷ്ണാ ഗുരുവായൂരപ്പാ


അഴകിനുമഴകായ തിരുമുടിയും ഏ-
തഴലിലുമമൃതേകും പുഞ്ചിരിയും
അടിയങ്ങള്‍ക്കകതാരില്‍ വിളങ്ങേണം
ഈ മതിലകത്തൊളിചിന്നും മണിവിളക്കേ
(ഒരുവരം...)


ഇരുളിലുമൊരുതാരം തെളിയുകില്ലേ പാഴ്-
ചിറയിലും താമരപ്പൂ വിരിയുകില്ലേ
അപരാധ സഹസ്രങ്ങള്‍ കഴുകുമീ കണ്ണുനീരില്‍
അവിടത്തെ ദയാ പുഷ്പം വിടരുകില്ലേ
വിടരുകില്ലേ?