Last Modified: February 29 2012 14:57:53.

രാക്കുയിലിൻ രാജ സദസ്സിൽ രാഗ മാലികാ മാധുരി
രാഗിണി എൻ മാനസത്തിൽ രാഗ വേദനാ മഞ്ജരി (രാക്കുയിലിൻ)

വെള്ളിമണി തിരയിളകി തുള്ളിയോടും കാറ്റിടറി
പഞ്ചാര മണൽക്കരയിൽ പൗർണ്ണമി തൻ പാലൊഴുകി (വെള്ളി)
ജീവന്റെ ജീവനിലെ ജല തരംഗ വീചികളിൽ
പ്രേമമയീ...പ്രേമമയീ നിൻ ഓർമ്മ തൻ
തോണികൾ നിരന്നൊഴുകി (രാക്കുയിലിൻ)

മുല്ല പൂത്ത മണമിയലും മുത്തുമണിച്ചന്ദ്രികയിൽ
നിൻ കൊലുസ്സിൻ കിങ്ങിണികൾ ഇന്നെന്തേ കിലുങ്ങിയില്ല (മുല്ല)
ഗാനത്തിൻ ഗാനത്തിലെ ലയ സുഗന്ധ ധാരകളിൽ
സ്നേഹമയീ...സ്നേഹമയീ നിൻ ഓർമ്മ തൻ
രാഗങ്ങൾ പടർന്നൊഴുകീ (രാക്കുയിലിൻ)