മണിനാഗത്തിരുനാഗ (മഴക്കാറ് )
This page was generated on March 29, 2024, 9:41 am UTC
വിശദവിവരങ്ങള്‍
വര്‍ഷം 1973
സംഗീതംജി ദേവരാജന്‍
ഗാനരചനവയലാര്‍ രാമവര്‍മ്മ
ഗായകര്‍പി ജയചന്ദ്രൻ ,പി മാധുരി
രാഗംലഭ്യമല്ല
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: February 29 2012 14:58:35.

മണിനാഗത്തിരുനാഗയക്ഷിയമ്മേ
മണ്ണാര്‍ശ്ശാലയിലെ യക്ഷിയമ്മേ
യക്ഷിയമ്മേ വാഴ്ക യക്ഷിയമ്മേ
വാഴ്ക വാഴ്ക നാഗയക്ഷിയമ്മേ..

മഞ്ഞളാടി നീരും പാലുമാടി
മഞ്ജുപീതാംബരം ഞൊറിഞ്ഞു ചുറ്റി
ഏഴുമലര്‍പ്പൊടിക്കളത്തിലിരിയ്ക്കാന്‍ അമ്മ
എഴുന്നള്ളണ നേരമായി
മലര്‍ത്തിങ്കള്‍ പെണ്ണിനു മക്കളില്ലാഞ്ഞിട്ട്
മാനത്തു കമഴ്ത്തിയ പൊന്നുരുളി അമ്മ
തൃക്കണ്‍പാര്‍ത്തനുഗ്രഹിക്കണ നാള്
ഇന്ന് നക്ഷത്രം ജനിയ്ക്കണ നാള്..
മണിനാഗത്തിരുനാഗയക്ഷിയമ്മേ..

മാല ചാര്‍ത്തി കാതിലോല ചാര്‍ത്തി
മല്ലികാമാണിക്യക്കല്ല് ചാര്‍ത്തി
ഏഴുമൊഴിക്കുരവ കേട്ടു കുളിര്‍ക്കാന്‍ അമ്മ
എഴുന്നെള്ളണ നേരമായി
മധുമാസരാവിനു മക്കളില്ലാഞ്ഞിട്ട് അമ്മ
മുറ്റത്തു കമഴ്ത്തിയ മണ്ണുരുളി അമ്മ
തൃക്കൈതൊട്ടനുഗ്രഹിക്കണ നാള് ഇന്ന്
തൃത്താപ്പൂ പിറക്കണ നാള്..




malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts