Last Modified: February 29 2012 14:58:39.

പാവങ്ങൾ പെണ്ണുങ്ങൾ ദുഃഖ-
ഭാരം ചുമക്കും ദേവതകൾ
കാലസമുദ്രത്തിരകളിൽ നീന്തും
കളിമൺ പാവകൾ (പാവങ്ങൾ)

ഇതിഹാസങ്ങൾക്കു താടി നരച്ചു
ഇന്നലത്തെ സ്മൃതികൾ മരിച്ചു
സ്ത്രീകളിന്നും വിരഹാതുരകൾ
ഭൂമികന്യാ സീതകൾ
രാമായണത്തിലെ കണ്ണീരിൽ മുക്കിയ
സീതകൾ..സീതകൾ

ഈ നൂറ്റാണ്ടിന്നെഴുപതു കഴിഞ്ഞു
ഇന്നലത്തെ യുഗങ്ങൾ മറഞ്ഞു
സ്ത്രീകളിന്നും പുരുഷന്മാരുടെ
ശാപമേൽക്കും അഹല്യകൾ
ശാപമോക്ഷത്തിനു കാത്തു കിടക്കും
അഹല്യകൾ അഹല്യകൾ (പാവങ്ങൾ)