പുഷ്പഗന്ധി (അഴകുള്ള സെലീന )
This page was generated on March 29, 2024, 12:13 am UTC
വിശദവിവരങ്ങള്‍
വര്‍ഷം 1973
സംഗീതംകെ ജെ യേശുദാസ്
ഗാനരചനവയലാര്‍ രാമവര്‍മ്മ
ഗായകര്‍കെ ജെ യേശുദാസ് ,ബി വസന്ത
രാഗംലഭ്യമല്ല
അഭിനേതാക്കള്‍വിൻസന്റ് ,ജയഭാരതി ,പ്രേം നസീര്‍ ,പുന്നശ്ശേരി കാഞ്ചന
ഗാനത്തിന്റെ വരികള്‍
Last Modified: April 05 2015 18:20:23.



പുഷ്പഗന്ധീ..സ്വപ്നഗന്ധീ...പ്രകൃതീ നിന്റെ
പച്ചിലമേടയിലന്തിയുറങ്ങാനെന്തു സുഖം!
കാമദേവന്‍ പൂനുള്ളാത്തൊരു താഴ്വരയില്‍
പ്രിയകാമുകനോടൊത്തു താമസിക്കാനെന്തുസുഖം!

പീരുമേട്ടിലെ നീലിമ നീര്‍ത്തിയ പുല്‍പ്പായില്‍ ..ആ ഹാ ഹാ
ഈ ഈറനൊന്നര കുടഞ്ഞുടുക്കും ചോലക്കരയില്‍
പീരുമേട്ടിലെ നീലിമ നീര്‍ത്തിയ പുല്‍പ്പായില്‍
ഈ ഈറനൊന്നര കുടഞ്ഞുടുക്കും ചോലക്കരയില്‍
ചുംബനത്തിന്‍ ചൂടറിയാത്തൊരു മണ്ണിന്‍ ചുണ്ടിൽ.. ആ..ആ‍
ചുംബനത്തിന്‍ ചൂടറിയാത്തൊരു മണ്ണിന്‍ ചുണ്ടിൽ‍
സന്ധ്യവന്നു ചായമിടുന്നതു കാണാനെന്തു രസം
സുഭാഷിണീ ആഹാ... പ്രേമസ്വരൂപിണീ..ആഹാ..
നിന്‍ സിരകളെ വീണതന്ത്രികളാക്കിയ സോളമന്‍ ഞാന്‍
ആ....(പുഷ്പഗന്ധീ..)

ഭൂമികന്യക്കു യൌവ്വനം നല്‍കിയ ധനുമാസം ..ആ ഹാ ഹാ
ഇതു പൂക്കളൊക്കെയുറക്കമൊഴിക്കും മധുവിധുമാസം
ഭൂമികന്യക്കു യൌവ്വനം നല്‍കിയ ധനുമാസം
ഇതു പൂക്കളൊക്കെയുറക്കമൊഴിക്കും മധുവിധുമാസം
മഞ്ഞില്‍ മുങ്ങി മലര്‍ന്നുകിടക്കും കുന്നിന്‍ കവിളില്‍.. ആ..ആ‍
മഞ്ഞില്‍ മുങ്ങി മലര്‍ന്നുകിടക്കും കുന്നിന്‍ കവിളില്‍
മഞ്ജുചന്ദ്രിക മഞ്ഞളിടുന്നതു കാണാനെന്തുരസം!
സുഭാഷിണീ..ആഹാ... പ്രേമസ്വരൂപിണീ..ആഹാ..
നിന്‍ സിരകളില്‍ പ്രേമാമൃതമായൊഴുകിയ സോളമന്‍ ഞാന്‍
ആ.....

malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts