ജീവിതമാം സാഗരത്തിൽ (നഗരം സാഗരം )
This page was generated on March 29, 2024, 6:29 am UTC
വിശദവിവരങ്ങള്‍
വര്‍ഷം 1974
സംഗീതംജി ദേവരാജന്‍
ഗാനരചനശ്രീകുമാരൻ തമ്പി
ഗായകര്‍കെ ജെ യേശുദാസ്
രാഗംലഭ്യമല്ല
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: February 29 2012 14:59:21.
ജീവിതമാം സാഗരത്തിൽ
ഹൃദയമെന്നൊരു ദ്വീപ്
തിരയടിച്ചാൽ ചെറുതാകും
തിരയടങ്ങിയാൽ വലുതാകും
(ജീവിതമാം....)
ജീവിതമാം സാഗരത്തിൽ...

കാമദാഹക്കൊടുങ്കാറ്റിൽ കലികയറും തിരകൾ
മോഹഭംഗ നീർച്ചുഴിയായ്‌ മുങ്ങിപ്പൊങ്ങും തിരകൾ
ഏതു കാറ്റുമടങ്ങും ഏതു മഴയുമൊടുങ്ങും
എല്ലാം ശാന്തമാകും നേരം
എത്ര വലിയ ലോകം ഇത്ര ചെറിയ ഹൃദയം
ജീവിതമാം സാഗരത്തിൽ...

സർഗ്ഗശക്തിതൻ കഥകൾ സ്വർഗ്ഗമാക്കും തീരം
പുണ്യമോഹപ്പൂവനങ്ങൾ പൂത്തുലയും തീരം
ഏതു കഥയും മറയും ഏതു പൂവും കൊഴിയും
എല്ലാം മാഞ്ഞുതീർന്നുവെന്നാൽ
എത്ര വലിയ ദുഃഖം ഇത്ര ചെറിയ മൗനം
ജീവിതമാം സാഗരത്തിൽ
ഹൃദയമെന്നൊരു ദ്വീപ്...



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts