Last Modified: February 29 2012 14:59:31.



അനുരാഗനർത്തനത്തിൻ അരങ്ങേറ്റം
എന്റെ അഭിലാഷ മഹോത്സവ കൊടിയേറ്റം
അരങ്ങേറ്റം..കൊടിയേറ്റം
അരങ്ങേറ്റം മനസ്സിൽ കൊടിയേറ്റം
(അനുരാഗ....)

അകന്നു നിൽക്കാതെ നീയെന്നരികിൽ വരൂ (2)
അഭിനന്ദനങ്ങളാലെൻ മനം പൊതിയൂ
അരങ്ങേറ്റം... കൊടിയേറ്റം
അരങ്ങേറ്റം മനസ്സിൽ കൊടിയേറ്റം
(അനുരാഗ....)

എൻ മിഴി തെളിയും നിൻ പുഞ്ചിരിയിൽ
എൻ ഗർവം കൊഴിയും നിൻ കാൽ തളിരിൽ (2)
നീ മണിവർണ്ണനായ് ആ..ആ.ആ‍....
നീ മണിവർണ്ണനായ്
ഞാൻ നിന്റെ രാധയായ്
നമ്മുടെ സങ്കല്പം കാളിന്ദിയായ്

നിൻ നാദസ്വരത്തിന്റെ നാദമേളം
ആ.ആ.ആ.ആ
നിൻ നാദസ്വരത്തിന്റെ നാദമേളം
എൻ ജീവഗാനത്തിന്റെ താളമേളം
നീ രാഗഗംഗയായ്...(2)
ഞാൻ താളയമുനയായ്
നമ്മുടെ സംഗമം സംഗീതമായ്
(അനുരാഗ....)