Last Modified: February 29 2012 14:59:40.

ഐശ്വര്യദേവതേ നീയെൻ മനസ്സിലെ
ആയിരം കതകുകൾ തുറന്നൂ
ആദ്യം വലം കാൽ വച്ചകത്തു വന്ന
ആയിരമുഷസ്സുകൾ കൂടെ വന്നു
നിന്റെ കൂടെ വന്നു
(ഐശ്വര്യ..)

ആരുടെ കരപരിലാളനത്താൽ എന്റെ
താരുണ്യപുഷ്പങ്ങൾ കുളിരു കോരി
ഇന്നു, കുളിരു കോരി
ആ വസന്തത്തിന്റെ രാജശില്പി
അങ്ങ് രാജശില്പീ
എന്റെ ഭാവനാശില്പത്തിൻ ഭാഗ്യലക്ഷ്മി
നീ ഭാഗ്യലക്ഷ്മി
(ഐശ്വര്യ..)

ആരുടെ പ്രമദ കടാക്ഷങ്ങളാൽ എന്റെ
ആയിരമാശകൾക്കഴകു കൂട്ടി ഇന്നുമഴകു കൂട്ടി
ആ മനോരാജ്യത്തെ ചക്രവർത്തീ അങ്ങ്
ചക്രവർത്തി
എന്റെ പ്രേമസാമ്രാജ്യത്തെ സ്വർഗ്ഗപുത്രി
നീ സ്വർഗ്ഗപുത്രീ
(ഐശ്വര്യ..)