Last Modified: April 16 2017 16:22:50.
വ്രതം കൊണ്ടുമെലിഞ്ഞൊരു ഷഷ്ഠിനിലാവിനു
വെറുതെയാവുമോ മോഹം?
വിശക്കും മനസ്സുമായ് തപസ്സിരുന്നാലും
വിഫലമാവുമോ ധ്യാനം?

കാറ്റു ചലിക്കാത്ത കറുത്തപക്ഷത്തിലെ രാത്രികളില്‍
അവളുടെ മൌനത്തിന്‍ മധുരസംഗീതങ്ങള്‍
ഒഴുകിപ്പരന്നിരുന്നു....
അതുകേട്ടു തുടിക്കേണ്ട ഹൃദയം മാത്രം
ചെവിപൊത്തി ഉറങ്ങുന്നു
(വ്രതം കൊണ്ടുമെലിഞ്ഞൊരു ..)

പൂത്തുപറക്കുന്ന വെളുത്തപക്ഷത്തിലെ രാത്രികളില്‍
അവളുടെ നാഥന്റെ മെതിയടി ശബ്ദങ്ങള്‍
അകലത്തലഞ്ഞിരുന്നൂ..
അതുകണ്ടുവിടരേണ്ട ഹൃദയം മാത്രം മിഴിപൊത്തിയുറങ്ങുന്നു