ആദത്തെ സൃഷ്ടിച്ചു (മക്കൾ )
This page was generated on May 26, 2024, 5:45 pm UTC
വിശദവിവരങ്ങള്‍
വര്‍ഷം 1975
സംഗീതംജി ദേവരാജന്‍
ഗാനരചനവയലാര്‍ രാമവര്‍മ്മ
ഗായകര്‍സി ഒ ആന്റോ ,എൻ ശ്രീകാന്ത് ,പി ജയചന്ദ്രൻ
രാഗംലഭ്യമല്ല
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: February 29 2012 15:00:20.
ആദത്തെ സൃഷ്ടിച്ചു ഏദനിലാക്കി ദൈവം
ഏകനായ് ഇരിക്കാതെ സ്ത്രീ വേണം കൂട്ടിനെന്ന്
നിദ്രയിലാദത്തിന്റെ അസ്ഥിയില്‍ ഒന്നെടുത്ത്
സ്ത്രീയാക്കി ചമച്ചവന്‍ ഹവ്വയെന്നു പേരുമിട്ടു

തോട്ടം സൂക്ഷിക്കാനും കായ്കനികള്‍ ഭക്ഷിപ്പാനും
തോട്ടത്തിലവരെ കാവലുമാക്കി ദൈവം
തോട്ടത്തിന്‍ നടുവിലുള്ള വൃക്ഷത്തിന്‍ ഫലം നിങ്ങള്‍
തിന്നുന്ന നാളില്‍ മരിക്കും - നിശ്ചയം നിങ്ങള്‍.
ആദത്തെ സൃഷ്ടിച്ചു ഏദനിലാക്കി ദൈവം

ആദത്തെ സൃഷ്ടിച്ച നിന്‍ ദൈവത്തെ സൃഷ്ടിച്ചത്
വേദങ്ങള്‍ വീണ്ടെടുത്ത വൈകുണ്ഡ നാഥനല്ലോ
പൊക്കിളിന്‍ പൂവിനുള്ളില്‍ ബ്രഹ്മാവേ വളര്‍ത്തുന്ന
പാല്‍ക്കടലില്‍ പള്ളികൊള്ളും ശ്രീപദ്മനാഭനല്ലോ

അതു നിങ്ങടെ വേദം. ഇതു ഞങ്ങടെ വേദം.
ആദത്തെ വഞ്ചിപ്പാനായ് സാത്താനൊരു സൂത്രമെടുത്തു
സര്‍പ്പത്തിന്‍ വായില്‍ കേറി സാത്താന്‍ വശവുമായി
തോട്ടത്തിന്‍ നടുവിലുള്ള വൃക്ഷത്തിന്‍ ഫലം നിങ്ങള്‍
തിന്നുന്ന നാളില്‍ കണ്ണു തുറക്കും - നിശ്ചയം നിങ്ങള്‍.


കണ്ണു തുറക്കും നിങ്ങള്‍ ദൈവത്തെപ്പോലെയാകും
നേരെന്നു വിശ്വസിച്ചു പഴം നാലവള്‍ പറിച്ചു
രണ്ടവള്‍ തിന്നു വേഗം കൊണ്ടുകൊടുത്തവനും
തിന്നപ്പോള്‍ ഇരുവരും നഗ്നരായ് ചമഞ്ഞല്ലോ

ആദത്തെ സൃഷ്ടിച്ചു ഏദനിലാക്കി ദൈവം
അതു നിങ്ങടെ ദൈവം. ഇതു ഞങ്ങടെ ദൈവം.

സാത്താനെ വഞ്ചിപ്പാനായ് വിഷ്ണുവൊരു സൂത്രമെടുത്തു
സര്‍പ്പത്തെ പിടിച്ചവന്‍ പാല്‍ക്കടലില്‍ മെത്തയാക്കി
മീനായും ആമയായും പത്തവതാരം ചെയ്തും
പാപികളെ നിഗ്രഹിച്ചും ഞങ്ങളെ രക്ഷിച്ചു
അതു നിങ്ങടെ വേദം. ഇതു ഞങ്ങടെ വേദം.
ആദത്തെ സൃഷ്ടിച്ചു ഏദനിലാക്കി ദൈവം
അതു നിങ്ങടെ വേദം.





malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts