Last Modified: February 29 2012 15:00:53.

വന്ദേമാതരം അംബികാം ഭഗവതി
വാണീന്ദ്രമാ സേവിതാം
കല്യാണിം കമനീയ കല്‍പലതികാം
കൈലാസനാഥപ്രിയാം
വേദാന്ത പ്രദീപാദ്യമാന വിഭവാം
വിദ്വന്മനോരഞ്ജിനി
ശ്രീചക്രാങ്കിത രത്നപീഠനിലയാം
ശ്രീരാജരാജേശ്വരി

കനകകുണ്ഡലമണ്ഡിതാശ്ചിത
കാമദായിനി അംബികേ
മഞ്ജു മരതക മന്ദഹാസിയാം
കഞ്ജനേര്‍മിഴി മായികേ
കൗസ്തുഭോജ്വല രത്നപുളകിത
ഹാരകാന്തി വിരാജിതേ
പുഷ്പവര്‍ണ്ണ സമൂജ്വലം
മൃദുഗാത്രരമ്യ സ്വരാഞ്ചിതേ
സ്പാരഭംഗി കലര്‍ന്നിടും സ്തന-
ഹേമകുംഭവിലാസിനി
മാരവൈരിവപുസ്സു പാതി
പകുത്ത പര്‍വ്വതനന്ദിനി
ഭക്തസഞ്ജയ കാമദായക
ചാരുഭാസുര മോഹനേ
ഘോരഭീതികള്‍ മാറ്റിടാന്‍
ഹൃദി തോന്നണം തവ പാര്‍ശ്വവും