പനിനീർപ്പൂവിന്റെ (അഞ്ജലി )
This page was generated on April 15, 2024, 1:04 pm UTC
വിശദവിവരങ്ങള്‍
വര്‍ഷം 1977
സംഗീതംജി ദേവരാജന്‍
ഗാനരചനശ്രീകുമാരൻ തമ്പി
ഗായകര്‍പി മാധുരി
രാഗംലഭ്യമല്ല
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: July 25 2015 06:37:57.




പനിനീര്‍പ്പൂവിന്റെ പട്ടുതാളില്‍
പളുങ്കുപോലൊരു മഞ്ഞുതുള്ളി
പോയ രജനിതന്‍ കണ്ണുനീരോ
വന്ന പകലിന്റെ കാണിക്കയോ

ഏകാന്തദുഃഖത്തിന്‍ നീലാംബരത്തില്‍
ഏതോ ശരത്കാല നീരദമായ് ഞാന്‍
എന്‍ മിഴിത്തുമ്പിലെ നക്ഷത്രമുത്തേ
നിന്നെ ജ്വലിപ്പിച്ചതേതു സായാഹ്നം?

മൂകാന്ധകാരത്തിന്നലയാഴി തന്നില്‍
ഏതോ നിരാധാരശേഖരമായ് ഞാന്‍
എന്‍ ജീവബിന്ദുവാം കണ്ണുനീര്‍ മുത്തേ
നിന്നെയണിയുന്നതേതു ഗന്ധര്‍വ്വന്‍?

malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts