Last Modified: February 29 2012 15:01:34.
വർണ്ണപ്രദർശനശാലയിൽ
മോഹ പുഷ്പപ്രദർശനശാലയിൽ
ഒരു പൊൻതാമരയിതളിൽ നിന്നാടുന്ന
വരവർണ്ണിനീ നിനക്കഭിവാദനം
വർണ്ണപ്രദർശനശാലയിൽ...

ആയിരം പൗർണ്ണമിയൊരുമിച്ചു വന്നു നിൻ
അംഗമലങ്കരിച്ചു...
ആപാദചൂഢമാ മാലേയമാരുതൻ
ആർദ്ര ഗന്ധം നിറച്ചു
അനുഭൂതി അംഗനാരൂപമാർന്നവളേ
അഭിവാദനം നിനക്കഭിവാദനം
(വർണ്ണപ്രദർശനശാലയിൽ...)

അഞ്ജനച്ചോലതന്നാത്മാവു വന്നു നിൻ
അരക്കെട്ടിലിളകിയാടി
അന്നപൂർണ്ണേശ്വരി പാദചിലങ്കകൾ
ആ കാലിൽ താളമേകി
അനുരാഗം മൃദുസ്മിതമാക്കുവോളേ
അഭിവാദനം നിനക്കഭിവാദനം
(വർണ്ണപ്രദർശനശാലയിൽ....)