Last Modified: February 29 2012 15:01:37.

വിപ്ലവഗായകരേ നവയുഗ
വിപ്ലവഗായകരേ
ഉണർന്നേണീക്കൂ ഭാരത മോചന
രണാങ്കണങ്ങളിലണയൂ
വിപ്ലവഗായകരേ....

നമ്മളുയർത്തും സർഗ്ഗക്കാറ്റിൽ
കർമ്മത്തിന്റെ കൊടുങ്കാറ്റിൽ
മയങ്ങി വീണ വികാരശരങ്ങൾ
കൊളുത്തിടട്ടേ പന്തങ്ങൾ - 2
അതിന്റെ ജ്വാലയിൽ പൂത്തുവിടർന്നൊരു
ഗീതമിവിടെ മുഴങ്ങട്ടേ
വന്ദേമാതരം വന്ദേമാതരം
(വിപ്ലവഗായകരേ.....)

മോചന സങ്കരശൈലികളുണരും
മാനവമാനസ വേദികളിൽ
സിന്ധുഗംഗാ നദീതടങ്ങൾ
രക്തത്തൊടുകുറി ചാർത്തുന്നു - 2
ആ തിലകത്തിലുതിർന്നു വരുന്നൊരു
നാദമിവിടെ മുഴങ്ങട്ടേ
വന്ദേമാതരം വന്ദേമാതരം
(വിപ്ലവഗായകരേ.....)