Last Modified: February 29 2012 15:01:43.

ശരണം തരണമമ്മേ ശൈലജേ
ശരണാഗത വത്സലേ ജഗദംബികേ(2)
പാതകൾ മാറും ഈ വഴി യാത്രയിൽ
പാഥേയം നിൻ കാരുണ്യം മാത്രം
(ശരണം...)

മധുരയിൽ വന്നേൻ മീനാക്ഷി നിന്റെ
മായാഗോപുര നിഴലിലലിഞ്ഞേൻ (2)
കാഞ്ചീപുരത്തിലെ കാമാക്ഷി (2)
നിൻ കനകകുംഭത്തിലെൻ കണ്ണീരു പകർന്നേൻ
(ശരണം...)

കൊടുങ്ങല്ലൂരിലെ ശ്രീഭദ്രകാളി (2)
കൊടുമയകറ്റാൻ തുണ ചെയ്യേണം
ചോറ്റാനിക്കര ശയനപ്രദക്ഷിണ (2)
സ്തോത്രാനിലനായ് ഞാനൊഴുകേണം
(ശരണം...)