പുഷ്പമഞ്ജീരം (പ്രിയദര്‍ശിനി)
This page was generated on March 29, 2024, 7:26 am UTC
വിശദവിവരങ്ങള്‍
വര്‍ഷം 1978
സംഗീതംഎം കെ അർജ്ജുനൻ
ഗാനരചനവയലാര്‍ രാമവര്‍മ്മ
ഗായകര്‍കെ ജെ യേശുദാസ്
രാഗംലഭ്യമല്ല
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: August 06 2020 15:41:25.



പുഷ്പമഞ്ജീരം കിലുക്കി പുടവഞൊറികള്‍ ഒതുക്കി
പ്രിയദര്‍ശിനീ പ്രിയദര്‍ശിനീ ഈ
പവിഴപ്പടവുകളിറങ്ങിനീ വന്നിട്ടു
പതിനേഴുസന്ധ്യകളായി

വള്ളിപ്പുരികങ്ങള്‍ മഴവില്ലുകുലയ്ക്കും ചൊല്ലിയാട്ടങ്ങളില്‍
ചഞ്ചളപദനഖ ചന്ദ്രക്കലകളില്‍
കഞ്ചുകല്‍ മുറുക്കുന്ന ലജ്ജകളില്‍ എന്റെ
പകുതിയടഞ്ഞൊരീ ഒളികണ്ണു പതിഞ്ഞിട്ടു
പതിനേഴു സന്ധ്യകളായി
ഇന്ദുവദനേ ഉദിക്കൂ എന്നെ നിന്‍ കൈകളിലൊതുക്കൂ
പുഷ്പമഞ്ജീരം കിലുക്കി പുടവഞൊറികള്‍ ഒതുക്കി

മന്ത്രച്ചൊടികളില്‍ മാധുര്യമുതിരും മന്ദഹാസങ്ങളില്‍
നിന്മലര്‍ നുണക്കുഴി മൂടും മുടികളില്‍
കന്മദക്കുറുമൊഴിമൊട്ടുകളില്‍ എന്റെ
അഭിനിവേശങ്ങള്‍തന്‍ വിരലൊന്നു പതിഞ്ഞിട്ടു
പതിനേഴു സന്ധ്യകളായി
ഇന്ദുവദനേ ഉദിക്കൂ എന്നെ നിന്‍ കൈകളിലൊതുക്കൂ
(പുഷ്പമഞ്ജീരം...)

malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts