പ്രാണപ്രിയേ (സത്രത്തില്‍ ഒരു രാത്രി )
This page was generated on February 21, 2024, 4:40 am UTC
വിശദവിവരങ്ങള്‍
വര്‍ഷം 1978
സംഗീതംജി ദേവരാജന്‍
ഗാനരചനയൂസഫലി കേച്ചേരി
ഗായകര്‍കാര്‍ത്തികേയന്‍
രാഗംമോഹനം
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: February 29 2012 15:02:35.

പ്രാണപ്രിയേ ഗാനപ്രിയേ
രത്നസിംഹാസനത്തിൽ വന്നിരിക്കൂ എന്റെ
രാഗമാലിക സ്വീകരിക്കൂ
(പ്രാണ..)

നിന്നെക്കുറിച്ചു ഞാൻ പാടാൻ തുടങ്ങുമ്പോൾ
നീയെന്റെയരികിൽ വന്നിരിക്കുമ്പോൾ
മാകന്ദശാഖയിൽ പഞ്ചമം പാടുന്ന
മധുമാസകോകിലമാകും ഞാൻ ഏതോ
മധുരാനുഭൂതിയിൽ മുഴുകും ഞാൻ
(പ്രാണ..)

ഗാനത്തിലലിഞ്ഞ നിൻ ഹൃദയത്തിലായിരം
ഗന്ധർവ്വ ലോകങ്ങൾ തെളിയുമ്പോൾ
നിരുപമസംഗീതലതികയിലൊരു പുത്തൻ
നിർവൃതിപ്പൂവായ് വീടരും ഞാനൊരു
നിത്യവസന്തമായ് വിരിയും ഞാൻ
(പ്രാണ..)




malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts