Last Modified: February 29 2012 15:02:44.

കവിളത്തെനിയ്ക്കൊരു മുത്തം അതിൽ
കനകമണിച്ചുണ്ടിൻ നൃത്തം
കൈമാറും സ്നേഹത്തിനർത്ഥം അതിൽ
കതിരിടും പുളകിത ചിത്തം
(കവിളത്തെനിയ്ക്കൊരു.....)
ലലലാ....ലലലാ.....

മധുരം മധുരമനോഹരം ഈ
മധുമാസോൽസവ മന്ദസ്മിതം
മൗനം മൗനം മനസ്സമ്മതം എന്റെ
മനോരഥങ്ങൾതൻ പ്രതിഫലനം
(കവിളത്തെനിയ്ക്കൊരു.....)
ലലലാ.....ലലലാ.....

ആയിരം വിളക്കെരിയും തിരിമണ്ഡപം ഞാൻ
ആത്മാവിൽ നിർമ്മിച്ച മലർമണ്ഡപം
കതിർക്കുലയും കാവടിയും അഭിഷേകം ഇന്നു
കാൽചിലമ്പിൻ നാദമിവിടലങ്കാരം
(കവിളത്തെനിയ്ക്കൊരു.....)