Last Modified: February 29 2012 15:02:50.

മാലക്കാവടി പീലിക്കാവടി നിരന്നാടുന്നല്ലോ....
മാലക്കാവടി പീലിക്കാവടി നിരന്നാടുന്നല്ലോ
നിൻ കണ്ണിൽ... നിന്‍ മയിൽപ്പീലിക്കണ്ണിൽ...
നിറതുളുമ്പി കനവുകൾതൻ കനകമൊന്തകളിൽ
ആ മാലക്കാവടി പീലിക്കാവടി നിരന്നാടുന്നല്ലോ

മോഹനരാഗം നാദസ്വരം പാടി
മോഹം പോലെ പൂന്തെന്നൽ വന്നാടി
ഇലകളിലും.... തകിലുമേളം...
ഇലകളിലും.... തകിലുമേളം...
ഉലയും മേനിയിലും നിൻ നടനമേനിയിലും
നിറതുളുമ്പി കനവുകൾതൻ കനകമൊന്തകളിൽ
ആ മാലക്കാവടി പീലിക്കാവടി നിരന്നാടുന്നല്ലോ

പൂമനസ്സിൻ പൊൻവാതിൽ തേടി
ഒരു ഗാനമായ്‌ ഞാൻ അവിടെ കൂടി
കൊതി വിടർന്നു.... രതിയുണർന്നു....
കൊതി വിടർന്നു.... രതിയുണർന്നു....
മധുര ചുണ്ടിണയിൽ നിൻ മദനമഞ്ജുഷയിൽ
നിറതുളുമ്പി കനവുകൾതൻ കനകമൊന്തകളിൽ
ആ മാലക്കാവടി പീലിക്കാവടി നിരന്നാടുന്നല്ലോ
നിൻ കണ്ണിൽ... നിന്‍ മയിൽപ്പീലിക്കണ്ണിൽ...
നിറതുളുമ്പി കനവുകൾതൻ കനകമൊന്തകളിൽ
ആ മാലക്കാവടി പീലിക്കാവടി നിരന്നാടുന്നല്ലോ...