Last Modified: February 29 2012 15:03:49.

ഞായറാഴ്ചകൾ നമ്മുടേ സഖികൾ
പ്രണയഗാഥ പാടിവരും കൂട്ടുകാരികൾ (2)
കുരിശിൻ തൊട്ടിപ്പടവിൽ നിന്നെ പിടിച്ചു നിർത്തും
കുർബ്ബാന കൊള്ളാനെന്നെ വിളിച്ചുണർത്തും (ഞായറാഴ്ചകൾ..)

പ്രാർത്ഥനയിൽ മുഴുകി നമ്മൾ കണ്ണടക്കും
ഹൃദയങ്ങൾ കിളികളെപ്പോൽ ചിറകടിക്കും (2)
എന്നുമെന്നും ഞായറാഴ്ചയായെങ്കിൽ
എന്നുമിങ്ങനെ കുർബാന കൊണ്ടെങ്കിൽ
(ഞായറാഴ്ചകൾ..)

ജനമൊഴുകും വഴിയിൽ നമ്മൾ നിറഞ്ഞൊഴുകും
ഉയിരുകളിരുനദികളെ പോൽ പുണർന്നൊഴുകും (2)
എന്നുമെന്നും ഘോഷയാത്രയായെങ്കിൽ
എന്നും നിന്റെ ഗന്ധമെന്നിൽ പടർന്നെങ്കിൽ
(ഞായറാഴ്ചകൾ..)