Last Modified: February 29 2012 14:35:58.

കിളിവാതിലിന്നിടയില്‍കൂടി
മലര്‍മാലകള്‍ നീട്ടുവതാരോ
മധുമാസപ്പൂനിലാവോ
മറ്റാരാനോ (കിളിവാതിലി)
മാനത്തെ മട്ടുപ്പാവില്‍
മണിവാതിലില്‍ നില്‍ക്കുവതാരോ
വാസന്ത താരകമോ
മറ്റാരാനോ (കിളിവാതിലി)

കണിക്കൊന്ന പൂത്തുനില്‍ക്കും
കരളിന്റെ പൂവാടികയില്‍
ക്ഷണിക്കാതെ വന്നുചേര്‍ന്ന വിരുന്നുകാരാ
അവിടുത്തെ സല്‍ക്കരിക്കാന്‍
അധരത്തില്‍ നിന്നു വീഴും
അനുരാഗഗാനമല്ലാ-
തൊന്നുമില്ലല്ലോ (കിളിവാതിലി)

മനസ്സില്‍ ഞാന്‍ വിരിച്ചിട്ട
മലര്‍മെത്തയിലിരുന്നാട്ടേ
കിനാവിന്റെ പൊന്‍കിരീടം അണിഞ്ഞാട്ടേ
കളിവാക്കു പറഞ്ഞെന്റെ
കവിളത്തു നുള്ളിയാട്ടേ
പുളകപ്പൂമാലയെനിക്കു തന്നാട്ടേ (കിളിവാതിലി)