Last Modified: February 29 2012 15:04:11.


ആദിപ്രകൃതിയൊരുക്കിയ നര്‍ത്തന വേദിയിതാ
വനവേദിയിതാ
ഒഴുകും പുഴയും കാറ്റും കിളിയും
ഓരോമണ്‍ തരിയും
ഈമനുഷ്യരുമൊന്നായ് ചേര്‍ന്നൊരു
ജീവനഗാനമിതാ
മോഹനതാളലയങ്ങള്‍ ചേര്‍ന്നൊരു
ജീവനഗാനമിതാ

അപാരതേ നിന്‍ നേര്‍ക്കൊഴുകും
ഈ മഹാപ്രവാഹിനിയില്‍
ആദിമപ്രാതഃസന്ധ്യയൊഴുക്കിയ
കേളീനൌകകള്‍ ഞങ്ങള്‍
അതിന്റെ ലാസ്യം ഞങ്ങള്‍
അതിന്റെ താളം ഞങ്ങള്‍

നിഷാദനൊടുവില്‍ മാമുനിയായ്
മാനിഷാദപാടിയതെവിടെ
മഹാമനസ്വികള്‍ മനുഷ്യജീവിത
കഥകള്‍ പാടിയതെവിടെ
അവിടെ പാടും ഞങ്ങള്‍
അതേറ്റുപാടും കാലം