Last Modified: February 29 2012 15:04:15.

കണ്ണിൽ നിൻ മെയ്യിൽ ഓർമ്മപ്പൂവിൽ
ഇന്നാരോ പീലിയുഴിഞ്ഞൂ
പൊന്നോ പൂമൊട്ടോ വർണ്ണത്തെല്ലോ
നിൻ ഭാവം മോഹനമാക്കി
മിന്നാര കൈയ്യിൽ നിൻ തൂവൽ ചിരിവിതറി
തൈമാസത്തെന്നൽ പദമാടി തിരുമുടിയിൽ
ഇന്നലെ രാവായ് പാടി മറഞ്ഞു
നിന്റെ അനാഥ മൗനം...

നീയാണാദ്യം കണ്ണീർതൂകി
ശ്യാമാരണ്യത്തിൻ മീതേ
നീയാണാദ്യം പുഞ്ചിരിതൂകി
നിത്യനിലാവിൻ മീതേ
മൂവന്തിക്കതിരായ് നീ പൊൻമാടത്തുഞ്ചത്തും
കോലക്കുഴൽക്കിളിക്കുഞ്ഞേ..
കസ്തൂരിക്കുറിയുണ്ട് പവിഴപ്പുതുമിന്നുണ്ട്
നിറയോലപ്പൂമേടക്കൂടുണ്ട്..
കാണുന്നതെല്ലാം സ്വപ്നങ്ങളാക്കും
കോലക്കുഴൽ കിളിക്കുഞ്ഞേ..

ആഴിയുമൂഴിയും മൂളിയിണങ്ങും
നേരം മാടിവിളിയ്ക്കുന്നു
പൊൻമീനോടിയ മാനത്തെക്കൊമ്പിൽ
ഉണ്ണി പിരിഞ്ഞു പൂത്താരം
ഇടവത്തളിരിലയുണ്ട് ഇലവട്ടക്കുടയുണ്ട്
കോലക്കുഴൽക്കിളിക്കുഞ്ഞേ
വൈഢൂര്യച്ചെപ്പുണ്ട് സിന്ദൂരക്കൂട്ടുണ്ട്
താനാടും ചങ്ങാലി കൂട്ടുണ്ട്
തേടുന്നതെല്ല്ലാം രത്നങ്ങളാക്കും
കോലക്കുഴൽക്കിളിക്കുഞ്ഞേ...