Last Modified: February 29 2012 14:36:05.


ശാരികപ്പൈതലേ ശാരികപ്പൈതലേ
ആരുടെ തേരില്‍ നീവന്നൂ?
ആരുടെ തേരില്‍ നീവന്നൂ? (ശാരിക)

കാടായ കാടുകള്‍ കണ്ടുവരും വഴി
കണ്വാശ്രമത്തില്‍ ഇറങ്ങിയോ ?
കുലപതി കണ്വനും സഖികള്‍ക്കും എന്റെ
മാന്‍ കിടാവിനും സുഖമാണോ?
എന്റെ പ്രിയംവദ ചിരിക്കാറുണ്ടോ?
എന്റെ കുറുമൊഴികള്‍ പൂക്കാറുണ്ടോ ?
(ശാരിക)

നാടായ നാടുകള്‍ കണ്ടുവരും വഴി
ഹസ്തിനപുരത്തില്‍ ഇറങ്ങിയോ ?
അരമനയ്ക്കുള്ളിലെ സഖികള്‍ക്കും എന്റെ
ആര്യപുത്രനും സുഖമാണോ?
എന്റെ പ്രിയതമന്‍ ഉറങ്ങാറുണ്ടോ?
എന്റെ നിറമിഴികള്‍ ഓര്‍ക്കാറുണ്ടോ ?
(ശാരിക)