Last Modified: February 29 2012 15:04:49.
ചരിത്രനായകാ ജയിക്ക നീ
ചതുരംഗ സേനാനായകാ (2)
കൈവല്യരൂപനാം കൈലാസനാഥന്റെ
കാരുണ്യമണി ചൂടും ലങ്കേശ്വരാ (ചരിത്ര...)

സ്വരങ്ങൾ നിൻ വിരൽത്തുമ്പിൽ തുളുമ്പീടവേ (2)
നിൻ മണിവീണ സ്വപ്നങ്ങൾ വിളമ്പീടവേ
രാഗങ്ങൾ നിന്നോമൽ കളിത്തോഴികൾ (2)
ഭാവങ്ങളവ ചാർത്തും കളകാഞ്ചികൾ (ചരിത്ര...)

ഈരേഴു ഭുവനങ്ങൾ നിൻ സിദ്ധി തൻ യശോ
ധാവള്യം പകർന്നല്ലോ വളർന്നീടുന്നു (2)
സ്വർല്ലോകം പോലും നിൻ കളിവീടല്ലോ(2)
ധർമ്മത്തിൻ മർമ്മം കണ്ടറിഞ്ഞോനല്ലോ (ചരിത്ര..)