Last Modified: February 29 2012 15:04:59.

ഒരേ പാതയിൽ ഒരേ നിഴലുപോൽ (2)
ഒരുമയാർന്നു പാടി നീങ്ങിടും നാം
(ഒരേ പാതയിൽ...)

ഈ മധുര സായാഹ്നം ഈ സൗഹൃദ സംഗീതം
ഇനിയെന്നും ഇനിയെന്നും ഓർമ്മിക്കും നാം
പുതിയൊരു സ്നേഹ ബന്ധനം ഹാ....
അറിയും മലരും മണ്ണും വിണ്ണും
ഓരോ പൂവിലും ഓരോ തളിരിലും
തിരയുമിന്നു നവഭാവന നാം
(ഒരേ പാതയിൽ...)

ഈ സരിതാസന്ദേശം ഈ കരതൻ ആവേശം
അതിൽ നിന്നും ഉണരുന്നു പുതുനാമ്പുകൾ
ഇതിലൊരു തിരയുണരുമ്പോൾ ഹാ..
ഇനിയും തെളിയും നമ്മുടെ ഹൃദയം
കാലം നീങ്ങുമീ ഗാനം മാഞ്ഞിടാ
പിരിയുകില്ല പ്രിയസോദരീ നാം
(ഒരേ പാതയിൽ...)