Last Modified: February 29 2012 14:36:06.

മാനത്തെ പിച്ചക്കാരനു മാണിക്ക്യം
വാരിത്തൂകിയ മാളോരെ
താഴത്തെ പിച്ചക്കാരനൊരോഴക്കു
മുത്തു തരാമോ മാളോരേ (മാനത്തെ)

മനുഷ്യ പുത്രനു കിട്ടാനുള്ളതു
മരക്കുരിശല്ലോ ഭൂമിയിൽ മരക്കുരിശല്ലോ
അവന്റെ ഭിക്ഷാപാത്രം നിറയെ കണ്ണീരാണല്ലോ
ഇന്നും കണ്ണീരാണല്ലോ (മാനത്തെ)

വെളിച്ചമില്ല വീടില്ലവനൊരു
വളർത്തു മൃഗമല്ലോ വിധിയുടെ വളർത്തു മൃഗമല്ലോ
അയച്ച ദൈവം കൂടിയുമവനെ കാണാറില്ലല്ലോ
ഇന്നും കണാറില്ലല്ലോ (മാനത്തെ)