Last Modified: December 25 2014 13:02:08.

പകരാം ഞാൻ പാനമുന്തിരി
പാടാം ഞാൻ മോഹമഞ്ജരി
കുളിരായ് നിൻ മാറിൽ വീണു
പടരാം ഞാൻ മധു രാഗവല്ലരി
(പകരാം...)

തുടുക്കുന്ന യൗവനം ഞാൻ
തുളുമ്പുന്ന താരുണ്യം
പുണരാൻ അരികെ വരൂ
ഈ പൂമേനി തഴുകി വരൂ
ലഹരിതൻ ചിറകുള്ള പുഷ്പവിമാനത്തിൽ
ഇണയായ് പറന്നുയരൂ
(പകരാം..)

വിടരുന്ന സൗരഭം ഞാൻ
വിസ്മയ സംഗീതം
മദിരാചഷകവുമായ് നിൻ
മനസ്സിൽ വിരുന്നു വരും
മലർശരൻ തൊടുക്കുന്ന മധുര വികാരത്തിൻ
തിരകളിൽ നീന്തി വരൂ
(പകരാം...)