ഓർമ്മവച്ച നാൾ മുതൽ (അമ്മക്കൊരുമ്മ)
This page was generated on March 29, 2024, 3:15 pm UTC
വിശദവിവരങ്ങള്‍
വര്‍ഷം 1981
സംഗീതംശ്യാം
ഗാനരചനശ്രീകുമാരൻ തമ്പി
ഗായകര്‍കെ ജെ യേശുദാസ് ,എസ് ജാനകി
രാഗംലഭ്യമല്ല
അഭിനേതാക്കള്‍രതീഷ് ,സറീന വഹാബ്
ഗാനത്തിന്റെ വരികള്‍
Last Modified: February 29 2012 15:05:44.

ഓര്‍മ്മ വച്ച നാള്‍ മുതല്‍ ഞാന്‍
ഓമനയെ കണ്ടിരുന്നു
ഓര്‍മ്മ വച്ച നാള്‍ മുതല്‍ ഞാന്‍
ഓമനയെ കണ്ടിരുന്നു
മലരുകള്‍ തന്‍ മൌനമായ് നീ
മാടി മാടി വിളിച്ചിരുന്നു
ഓര്‍മ്മ വച്ച നാള്‍ മുതല്‍ ഞാന്‍
ഓമനയെ പുണര്‍ന്നിരുന്നു
പൂന്തെന്നലിന്‍ കുളിര്‍ മഴയായ്
പൂവുടലില്‍ പടര്‍ന്നിരുന്നു
(ഓര്‍മ്മ വച്ച നാള്‍)
ആ ...ആ ...ആ...

രാവുതോറും ഉണര്‍ന്നിരുന്നു
രാക്കിളിതന്‍ ഗാനമായ്
നിദ്രയില്‍ നീ ഒളിച്ചിരുന്നു
മൂടിവരും കനവുകളായ് (2)
പുലരിയില്‍ തഴുകിടുവാന്‍
പുളകമേകും മഞ്ഞലയായ്
എന്‍ വിധിയെ തൊട്ടുണര്‍ത്താന്‍
പൊന്നുഷസ്സിന്‍ പൂവെയിലായ്
(ഓര്‍മ്മ വച്ച നാള്‍)

പ്രേമകാവ്യ വീഥിയായ് നീ
ഭാവനയില്‍ നിറഞ്ഞിരുന്നു
വീണതേടും സ്വരസുധയായ്
വിരലുകളില്‍ തുടിച്ചിരുന്നു (2)
ഇനിയും ജന്മങ്ങള്‍ ലഭിചിടുമോ
ഇന്ദ്രിയങ്ങള്‍ ഉണര്ന്നിടുമോ
ഈ ഹൃദന്ത സംഗമത്തിന്‍
ഇന്ദ്രജാലം തുടര്‍ന്നിടുമോ
(ഓര്‍മ്മ വച്ച നാള്‍)



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts