Last Modified: February 29 2012 15:06:15.

പാടും നിശയിതിൽ
ആടും തരുണി ഞാൻ
തുടിപോൽ തുടിക്കും അധരം ഒന്നു
നുകരാൻ വരൂ നീ പ്രിയനേ

മാരൻ തരുന്ന പൂക്കൾ
മാറിൽ വിടരും വേള
മന്മഥകേളീ നടനവേള
മദനകുതൂഹല മേള
തരളിത ഹൃദയദലങ്ങളിൽ കുളിരിടും
രാസശൃംഗാര മേള
(പാടും..)

ദാഹം വളരും തനുവിൽ
ചേർക്കുക മനമേ നീ
അസ്ഥികൾ തോറും പടർന്നിടട്ടേ
മാരസംഗമലഹരി
അടി മുതൽ മുടി വരെ
അണുവിലും തനുവിലും
സ്വർഗ്ഗനിർവൃതി പകരൂ
(പാടൂ..)